L’è ariveda la Not Santa
la cometa la
fa lus
e la dis la
streda:
l’è la
Viseglia ed Nadel.
L’è la festa
di Gesù
Che
l’insegna ca sam tot uguel,
an ghè puvret
o sgnor,
ma al caunta
sol eser boun.
A Nadel a
fam festa cun la famìa
As magna
turtlein, cutghein e sampaun,
bensoun e
turtel col savor.
A se sta
tant a tevla a ciacarer
E ans lavora
menga.
Se i putein
iein ste brev
I caten tant
regal sot al’elber.
Se i putein
iein ste catìv
La Befana ag
porta dal carbaun.
L’oltem ed
l’an a brindam a l’an nov:
as magna
acsè tant che
da Nadel a
la Befana
la panza
l’adveinta na damigiana.
Boun Nadel a
tot, Mudnes!
Ai grand, ai
putein e a la mestra,
e ricurdev:
“Vulè bas e schivè i sas”.
Filep Giblein
https://youtu.be/t-DCNB-liCc
Nessun commento:
Posta un commento